პროფესიონალური სამზარეულოს დანადგარები

კონვეირული ტოსტერი პურის ნაჭრების უწყვეტი, სწრაფი და თანაბარი დაბრაწვისთვისაა შექმნილი, რაც განსაკუთრებით მოთხოვნადია სასტუმროს საუზმისას („შვედურ მაგიდაზე“), საბურგერეებსა და სწრაფი კვების კაფეებში. კლასიკური ტოსტერებისგან განსხვავებით, მოძრავ ლენტს პერსონალის მუდმივი კონტროლი არ სჭირდება: პურის ნაჭერი გამაცხელებელ ელემენტებს შორის ავტომატურად გადაადგილდება და უმოკლეს დროში სასურველ კონდიციამდე იბრაწება.

• წარმადობა: დანადგარის შერჩევა ობიექტის დატვირთვაზეა დამოკიდებული. მცირე კაფესა თუ ბარისთვის საათში 50 ნაჭრის წარმადობაც სრულიად საკმარისია, ხოლო სასტუმროს საუზმისთვის საათში 300 ნაჭრის წარმადობის მოდელია გათვლილი.
• სიმძლავრე: წარმადობის მიხედვით, დანადგარის სიმძლავრე 1.34-დან 2.2 კვტ-მდე მერყეობს. ეს მოდელები სტანდარტულ 220V ქსელზე მუშაობს, ამიტომ სამფაზიანი ელექტროგაყვანილობა საჭირო არ არის.

უჟანგავი ფოლადის მყარი კორპუსი კომერციულ დატვირთვას უძლებს და სამუშაო დღის ბოლოს ნამცეცებისა და ცხიმისგან იოლად იწმინდება. სწორად შერჩეული დანადგარი პიკურ საათებში მომსახურების პროცესს აჩქარებს და სტუმრებისთვის თანაბრად დაბრაწული პურის უწყვეტ მარაგს უზრუნველყოფს.